情侶工作坊2021 | 疫情期間，好多地方或者娛樂場所都冇開，卡拉ok、電影院等都通通都閂曬，其實，香港仲有好多地方可以去，一啲本地嘅工作坊就係一個唔錯嘅選擇！除咗可以學到一門新嘅技能，仲可以帶走值得留念嘅手作製品！今次就為大家推薦三間香港熱門嘅情侶工作坊。
1. 香水工作坊
出面買香水選擇雖然好多，但係有時都好難搵啱一支自己鍾意嘅香水，如果你都遇過呢個情況，就不妨同埋另一半親手調配一支屬於你地嘅香水！
喺香水工作坊，你地除咗可以更深入咁了解到唔同嘅香水，仲可以從好多唔同嘅香味當中挑選出最鐘意嘅味道，調配出你最鍾意獨一無二嘅嘅香水！部分工作坊更提供個人化服務，例如免費喺香水瓶身打印出你自備嘅相片。唔少情侶都會為另一半調配一枝香水交比對方，每日都聞到對方對自己製作嘅香味，十分浪漫！
工作坊（$320）：人氣DIY香水體驗班
工作坊（可印瓶，$428）：專屬香味！香水調配工作坊【50ml】
延伸閱讀：全港3間熱門香薰蠟燭課程推介
2. 香薰蠟燭工作坊
無論係因為WFH，定係少咗出街，近日疫情期間可能大家都多咗時間留喺屋企，不妨考慮下親手製作一個香薰蠟燭放係屋企！
香薰蠟燭除左可以照明除臭，仲可以提升生活環境氛圍！係香薰蠟燭工作坊，你地仲可以喺好多種唔同香味之中搵到自己嘅理想嘅味道，令房間散發著芬芬的香氣，就最舒適不過！
工作坊：質感富士山蠟燭工作坊
3. 流體畫工作坊
唔好以為藝術嘅課程一定要藝術好叻先可以參加！有別於一般嘅藝術課程，流體畫係一樣十分親民嘅工作坊，課程輕鬆、易上手，透過混色與流動，完成一幅獨一無二嘅畫作，就算係冇任何藝術經驗呢都可以放心參加，流體畫製作方法十分簡單，但係製作出嚟嘅成分卻係十分唯美，而且過程十分治癒！就算係「手殘」嘅情侶們都可以放心參加。
