相信購買耳環係唔少女生嘅愛好之一，但有冇諗過原來除咗喺出邊嘅舖頭購買耳環外，自己亦都可以親手製作獨一無二嘅耳環！除咗更具個人特色之外，出面鋪頭搵唔到嘅款式亦都可以自己設計，肯定係獨一無二！今次就會為你地介紹兩間係香港可以整到耳環嘅自製耳環工作坊。
1. BeiBei Collection
第一間為大家介紹嘅就係位於旺角T.O.P商場嘅BeiBei Collection，BeiBei Collection提供多種唔同嘅耳環workshop，包括120分鐘任整飾物嘅自製耳環放題，係兩小時內整幾多飾物都可以！價錢都只係需要$338。而製作三對唔同耳環工作坊收費就$268。
除咗工作坊之外BeiBei Collection亦有進行飾物訂製，購物滿一百蚊仲可以有本地郵寄免運費，仲可以選擇佢哋嘅3D printer做出更獨特嘅配件添!
2. 作樂學院 Jolly Academy
第二間為大家介紹嘅耳環DIY就係作樂學院，作樂學院提供多款唔同工作坊，當中包括耳環工作坊，可以自由選擇配件，親手製作專屬於你嘅耳環。仲同時有耳環或者耳針款式選擇，就算冇耳洞嘅女仔都可以參加。而且佢哋採用左高質素嘅燙金或者925純銀配件，更成品質素非常高質，而且完成工作坊之後就可以馬上帶走成品，即刻帶住耳環走都得！
