排球喺香港不算最熱門的運動,但其實排球係一項十分好玩而又充滿活力的團隊活動。除咗可以識到志同道合嘅朋友,仲可以強身健體添!不過中學PE堂之後可能大家都好少機會接觸排球,今次嘅文章就為你哋介紹香港三間少數嘅排球班啦。

 

1. 香港排球總會

首先為大家介紹嘅就係香港排球總會,香港排球總會於1951年成立,已服務香港超過半世紀,期間積極推動各項排球活動,如傳統的排球愛及沙灘排球,希望透過不同形式的訓練班來培養新一代的香港排球運動員。他們亦安排了各種的排球訓練班比有興趣嘅朋友參加,如果訓練班中打得好,仲有機會可以被推薦入選香港代表隊。

佢哋嘅註冊教練教學經驗豐富,可以為參加者打好基礎。排球課程有分初級班及中級班,每班人數最多30人,而且非常抵玩整個課程只需港幣$100。如果有興趣嘅朋友可以填妥網上報名表格或上佢哋嘅官方網站留意更多資訊。

 

 

2. Topspin Sport Association

第二間為大家介紹嘅就係Topspin Sport Association。創立於2016年,Topspin希望透過多元化以及科學化的訓練來提升所有參加者的技術。佢哋主要有分原來5大訓練班,包括恆常訓練班、綜合訓練班、專項訓練班、小組訓練班以及個人訓練班。

每項訓練班都有其特色及不同的收費,可以參觀佢哋嘅網站睇到更多詳情。以恆常訓練班為例,對象為初階的排球愛好者,每月都有固定的地點及時間,透過訓練全面的提升排球技術。五堂嘅排球訓練班收費一共$650,而每班人名額則為20個。

 

 

 

3. HKEVA (香港專業排球學校)

HKEVA希望透過排球鍛練學員在「心」、「體」、「技」三方面的成長,佢地提供各種唔同類型嘅排球訓練,由18歲以下嘅小朋友及青少年到18歲以上嘅成人班亦有,無論係暑期班定係恆常課程都可以喺佢哋網站搵得到。如果有興趣嘅朋友需要先註冊成為會員,費用為$580永久會員,成為會員便會送贈專屬訓練衫及護膝一對。

HKEVA嘅教練團隊亦是師資優良,擁有多項國際及本地排球教練資格,許多教練更係香港排球代表隊成員,如鄭偉豪先生及梁浩賢先生等等。