法式甜品馬卡龍一向喺香港都人氣高企，唔少人過時過節都鍾意買返盒馬卡龍送畀人或者平時當小食或茶點。不過有時候喺外面商店買到嘅馬卡龍都比較貴，分分鐘要幾十蚊一粒，十分肉赤呀！其實要製作馬卡龍不需要特別多的設備，喺屋企都可以做得到。除咗上網自學之外，去參加一啲唔同嘅馬卡龍班都係一個唔錯嘅選擇。除咗有更舒適嘅環境，仲可以同朋友享受一齊烘焙嘅樂趣，一齊過十分舒適寫意的一天，
香港亦有唔少教授馬卡龍嘅烘焙教室，今次就為大家介紹其中三間比較熱門嘅馬卡龍工作坊。
1. Les Petits Four
首先為大家介紹嘅馬卡龍教室就係位於荔枝角嘅 Les Petits Four。Les Petits Four嘅創辦人兼導師Whitney係香港著名嘅甜品高手，獲得咗國際朱古力大獎(International Chocolate Awards) 金獎，實力非凡。
佢哋主打兩款馬卡龍班包分別係櫻花雲石馬卡龍同埋開心果馬卡龍體驗班。帶點日式風味嘅櫻花雲石馬卡龍班，口感輕盈，嚴選左日本鹽漬櫻花亦日本直送濃縮櫻花醬造出精緻美味嘅馬卡龍。而開心果迷就一定唔可以錯過入口散發濃郁的開心果香氣嘅開心果馬卡龍。
兩個馬卡龍課程價錢都為$530，喺導師嘅指導下每個步驟都可以親身參與，課程完成之後你哋仲可以帶走12至15粒親身製作嘅馬卡龍，無論當輕食食定係送畀人，都令人幸福感直線上升！
2. Dessert Party Baking Studio
有別於傳統嘅馬卡龍以不同顏色作造型 ，Dessert Party推出左可愛卡通人物造型嘅馬卡龍班，課程推出咗之後大受歡迎 ，除咗吸引到唔少家長帶埋小朋友參加，亦有製作用來當散水餅送畀同事。
課程中可以自行決定做出各款嘅卡通人物，無論係Duffy, 比卡超都一樣得！除咗可以帶走你最獨特嘅馬卡龍仲可以學到各種關於馬卡龍嘅知識，如馬卡龍調色技巧及繪畫馬卡龍技巧等等，等你返到屋企都一樣可以自已整得到！ 課程費用為五百元，時間約3小時。每班最多八位學生
3. 小食堂
小食堂係香港一家著名嘅烹調學校，於2016年創立，創立以來亦獲得唔少媒體報道如經濟日報，am730等。係佢地嘅「免風乾法式雲石馬卡龍」課程，你可以學到雲石顔色調配技巧同埋荔枝檸檬醬做法等等。課程時間約為三小時，而上課地點就會係油麻地教室。課程會不定期開班，有興趣嘅朋友就記得上佢哋嘅網站查詢更多啦 。
