香薰蠟燭燃燒時散發陣陣幽香，令人心曠神怡！你知唔知原來香薰蠟燭都可以自己上堂學整！今次就為大家精選全港3間最受歡迎既香薰蠟燭課程，除左可以製作香薰蠟燭，仲可以學到香薰蠟燭用法同香薰蠟燭功效！
近年，香薰蠟燭成為人氣大熱產品，好多年輕人都將必買物品。小編身邊既朋友幾乎都會買特別氣味既香薰蠟燭，係溫書、休息既時候點燃，真係別有一番風味架！不過與其去探索唔同既氣味，不過製作一款真真正正屬於你既香味啦！
1. Aestetician Candle Studio
首先為大家介紹既係位於觀塘既 Aestetician Candle Studio。工作室距離地鐵站只有5分鐘步行距離，十分方便。工作室環境仲好舒適，有足夠嘅空間比同學發揮自己嘅創意。工作室提供既課程讓學員可以參與每一個步驟，學員除左可以帶超逼真既迷你「富士山」反屋企，仲可以享受超放鬆減壓既3小時手作體驗！
工作室設備非常齊全，導師已經準備好所有儀器，學員只需出席工作坊就可以帶自己親手製作既製成品返屋企，超級方便！
Aestetician Candle Studio既質感富士山蠟燭工作坊推出左之後好評不斷！唔少情侶、朋友、親子都會黎學整，連唔少網紅如Chantale貝依霖都慕名而來！工作坊其中一個特點係採用小班教學制，最多只有四人，而且一人都開班，時間十分彈性。
導師本身對香薰蠟燭好有興趣，奈何市面上既香薰蠟燭都比較普通。導師為左深造自己對香薰蠟燭既造詣，特意去左台灣既KCCA 蠟燭工藝協會課程學習，希望可以通過創造特別造型，為香薰蠟燭帶黎特別既新意！
課程自主度超高，導師希望學員可以製作最符合自己心水既蠟燭。學員可以調好鍾意既顏色同香味先繼續，無論香味同顏色都可以比學員自由選擇，唔會規定好組合，務求每個人製作既都係屬於自己既「富士山」！
導師除左希望學員製造到超級吸睛既富士山蠟燭之外，都非常注重香薰蠟燭既成分是否安全，學員就可以放心使用！導師嚴選安全既蠟燭成分，主要使用天然蠟材，例如：大豆蠟、蜜蠟、棕櫚蠟。Aestetician Candle Studio使用香薰蠟燭成分既來源地，導師一般使用美國、韓國、馬來西亞既蠟材，香薰同顏料都係韓國入口。香薰全部獲得 IFRA （ 國際日用香料香精協會）既認證，安全無害，大家都可以放心使用。
不過因為今次挑戰既質感富士山蠟燭都非常特別，所以課程會用少量人造蠟，例如：石頭蠟、果凍蠟。導師非常有原則，確保全部都對人體完全無害，無論係製作過程定係燃點過程中都安全可用！
好多學員都係想整黎送比人，小編發現導師超級貼心，親自揀選一啲精密既包裝。咁學員就可以直接送比朋友，仲唔需要額外收費！課程費用為$580/位，費用包括：導師費、 富士山容器蠟燭1個、 冰山蠟燭1個、擴香石底座1個、富士山蠟燭1個、專用擴香石底座1個同精美包裝！
香薰蠟燭靜放時除左外觀超級吸引外，都會散發陣陣香氣，燃燒時候香薰味道更加濃厚，為增添放鬆既氛圍！
即使課後有任何關於蠟燭既問題都可以問導師，導師非常願意分享自己既經驗比學員架！
2. Tipsy Noon
第二間要介紹既係位於牛頭角既Tipsy Noon，工作室離地鐵站只有約2分鐘路程，位置十分方便！雖然面積唔係好大，不過勝在設備齊全，佈置亦非常有心思。導師非常熱誠，只要學員一進入工作室就會比濃濃既香薰味道包圍！導師教學都非常細心，務求令學員可以輕輕鬆鬆體會到有關香薰蠟燭既魅力！
佢地推出左唔同類型蠟燭課程，當中人氣課程包括星空雪山蠟燭工作坊(課程詳情)，可以一次過製作高質感嘅雪山蠟燭同星空蠟燭，為您𣊬間改變空間的氣氛營造出不同的心情。課程費用為$680/位，時間約2小時。費用包括：星空蠟燭一個、石膏底座一個及雪山蠟燭一個。
3. A Witch Handmade
最後要介紹既係既係A Witch Handmade甜睡香薰蠟燭班，相信唔少都市人都會有睡眠既問題，而依款蠟燭就有可能舒緩到你既問題啦！課程將由曾經出書教授蠟燭製法既導師教導，係實力既保證。課程將會解釋蠟燭選材知識、製作甜睡香薰蠟燭，而學員可以自由從7款香精入面選擇香味。課程完結後，學員可以帶約150g既香薰蠟燭返屋企。小編提提大家，需要自備袋子將蠟燭帶走。
你可能會有興趣...
