【美甲課程2024】3間香港熱門美甲課程

BY OhMyCourse .
DATE 03/06/2024

相信唔少女士都鍾意定期去做指甲，但係如果覺得喺出面好貴的話，亦可以考慮自己整。但係有時候又整唔到出面咁靚？唔使擔心其實香港亦有唔少美甲課程，等你係課程中學識咗基本嘅技巧之後，就可以自己係屋企都整到。今次就為你介紹3間香港熱門美甲課程

1. Oh.mynail

佢哋係香港其中一間最出名嘅美甲工作室，Instagram follower嘅人數亦有超過6000名，除咗美甲服務外，佢哋亦有提供多款嘅美甲課程，包括美甲入門班、美甲全科班，入門班為兩天課程，喺課程中可以學到美甲嘅基本技巧，而全科班就係更深入全面地認識美甲課程，課程設有一對一、一對二或者一對四美甲課程，適合唔同需要嘅學生，無論係自己上或者約埋朋友一齊上都冇問題，課程亦適合零基礎人士報名。

由於佢哋係一人工作室，有興趣嘅朋友一定要記得提早預約呀。

2. Beminenail.studio

之後為大家介紹嘅就係Beminenail.studio。佢哋所有課程都係由零開始教授，所以學生無需擔心自己跟唔上進度。佢哋有提供兩款美甲課程，包括單對單教學或者小班教學。佢哋過往兩年已經教授咗超過500位學生，導師亦持有國際認可牌照。

課程中會教授各種美甲技巧，例如輕鬆簡單嘅卸甲方法，塑造平滑而有弧度嘅甲型，亦會教授如何令顏色上得更平均嘅方法。如果你有任何關於美甲嘅問題亦可以隨時係課程中提出，導師亦會一一為你解答，教到你識為止。

3. Haleynail99

最後介紹Haleynail99嘅美甲課程亦有提供一對二小班教學，課程內容十分豐富而且實用性極高，除咗基本嘅工具認識，以及單色上色技巧等等，仲有如雲石、線條、畫花等等嘅技巧教學，咁你可以做出各種唔同款式嘅靚靚指甲，仲有各種工具技巧上嘅教學，例如打磨機、甲挫修型等，延長紙托應用技巧等等，係一個十分全面嘅美甲課程。