無論係公仔定係手袋，透過編織可以做出各種千變萬化嘅產品，而且每件產品亦充滿著滿滿的手作溫暖，所以近來的越來越多人愛上呢門手藝，如果覺得自己上網學太難的話，亦不妨參加坊間不同的編織興趣班，學識咗基本嘅編織方法之後返到屋企就更加容易上手啦！
1. 唧唧 zik²
唧唧 zik²係香港其中一間最出名嘅編織教室，唧，廣東話與「織」同音，唧唧希望可以透過編織和更多人分享呢們手藝。佢哋推出咗超過20款人氣編織課程，例如得到日本毛線品牌Daruma官方授權選用Daruma線材嘅小水桶輕便包工作坊，可以親手製作一個適合唔同場合佩戴，十分百搭嘅小水桶輕便包。
課程由可以在兩小時之內完成的入門課程到超過六小時的進階課程都有。最重要嘅係，為咗確保教學質量，所有編織工作坊亦以小班制模式進行，最多只有四人一班，確保每位學生都可以跟上進度，有任何問題亦可以隨時發問。 所有學生參加工作坊時無需準備任何材料，因為工作坊的價錢已包括所有所需的工具借用以及材料。完成課程後，如果希望回家製作其他產品，亦可即場購買不同的編織工具及材料包。
2. misssomethingknit
之後介紹嘅課程就係misssomethingknit，佢地位於尖沙咀百利商業中心，位置十分方便。教室嘅編織課程一共為五小時，因為係一對一嘅課程，所以價錢相對較貴，但好處就係上堂時間十分彈性，星期一至日三點至9點都可以自由預約，疫情期間亦可以選擇面對面或者網上教學課程。
係課程中你會學識基本編織技巧，完成之後可以自行製作各種編織品，參加課程無需任何經驗，七歲以上嘅人士就可以參加，導師會根據每位學生嘅程度來調節教學速度。課程不包括材料及工具費用。除咗編織課程佢哋公司亦有出售唔同嘅工具以及材料包，可以買返屋企自己織。
3. beanland._
佢哋有各種唔同嘅編織工作坊，適合各種唔同程度嘅學生，工作坊最大好處就係可以做出十分個性化的產品，無論係顏色定係大小都可以自由設計，做出最啱你心水嘅產品。如果有自己想整嘅款色，亦可以同導師相約一對一教學，除咗編織教學外，佢哋亦有出售各種編織產品，例如各種嘅編織袋等，購物滿$388蚊仲會免費包郵，有興趣嘅朋友都可以瀏覽佢哋嘅IG Page了解更多。
