【生日好去處】精選3個生日好去處推介！

生日做咩好？一年一度嘅生日當然唔想留喺屋企啦！但係除咗去食餐好諗唔到可以做咩？其實香港人氣嘅工作坊都十分適合生日去一齊玩！例如係一齊整一個生日蛋糕或者整一個情侶手鈪當生日禮物送畀另一半。今次編輯就為您精選咗3個生日好去處！

1. 蛋糕烘焙工作坊

生日就當然唔少得食生日蛋糕啦，但係有時出面搵極都搵唔到心目中想要嘅蛋糕，或者覺得太冇特色？如果你想要一個個性化嘅蛋糕，咁就不妨參加蛋糕烘焙工作坊！

鍾意靚靚蛋糕嘅可以選擇鏡面蛋糕工作坊，想食得又玩得嘅就可以選擇扑扑蛋糕，如果壽星有一款特別嘅特別鍾意嘅公仔或者卡通人物，就不妨考慮參加棉花糖蛋糕班，可以將最鍾意嘅卡通人物製作成可愛嘅公仔，造形仲要十分神似！

無論係角落生物，Little Twin Star定係鬼滅之刃都整得到！係自己靜靜雞去整，畀個驚喜壽星仔女，定係同埋佢一齊玩都一樣咁開心呀！

第二個介紹嘅生日好去處就係香水調配體驗班。唔少人生日都鍾意送香水作為禮物，除咗得體之外又十分實用，但係有時自己揀完嘅香水送咗畀壽星後原來佢唔鍾意嗰隻味，最後用都冇用過咁就嘥曬啦。

如果壽星都鍾意噴香水，帶埋作一齊製作一支獨一無二嘅香水送畀都係一個唔錯嘅選擇！工作室所有嘅香水原材料都係來自英國十分高質素，完成咗產品之後仲可以自備一張相導師會使用鐳射打印機免費幫你地張相片打印係香水瓶上，變成更加個性化嘅禮物，保證佢一定鍾意呀！課程有50ml及100ml可以選擇，50ml可以噴大概七百次，就算一日噴兩次都可以用足一年喇十分抵用！

按此查看：專屬香味！香水調配工作坊【50ml】

3. 滑浪一日體驗班

如果鍾意水上活動嘅壽星都可以考慮下參加一啲水上活動體驗班，生日玩到盡！而其中一個唔錯嘅生日好去處選擇就係滑浪！係呀你無聽錯，係滑浪！可能你一定要去到外國嘅沙灘先可以玩滑浪，其實香港都一樣有得玩呢樣刺激又好玩嘅水上活動！