近日疫情嚴峻相信大家都多咗時間喺屋企，相信不少人都會多咗喺屋企煮嘢食或者整甜品，但係喺屋企整甜品又會比較「論盡」，上網學又未必整到出面嘅質素，如果係咁大家不妨考慮下參加唔同嘅甜品班！
除左有舒適嘅環境之外，仲有專業嘅導師全程喺你身邊指導，咁就唔使擔心整得唔好食啦。今次就為大家搜羅咗三間香港熱門嘅甜品工作坊，各位甜品粉絲千祈唔好錯過啦。
第一間為大家介紹嘅甜品班就係「Bean to Bar 手工朱古力課程」，喺呢個甜品興趣班你可以由可可原豆開始親手製作自己嘅朱古力，課程推出之後一直好評如潮，如果有興趣嘅朋友記得早啲預約。導師更係獲得國際朱古力大獎 (International Chocolate Award 2020) 金獎嘅朱古力大師，保證教識你整到好好味嘅朱古力。
課程包含嘅內容中十分豐富，除咗可以帶走四排可可豆製作嘅朱古力，仲會有Chocolate Tasting可以食盡世界各地多款唔同頂級朱古力、飲兩杯有真正可可豆成嘅朱古力飲品，仲可以製作並帶走一個朱古力蛋糕！課程內容十分豐富，鍾意朱古力嘅你一定唔可以錯過！
法式甜品馬卡龍相信都係唔少女士嘅至愛，除咗外觀精緻，仲有好多款唔同嘅味道，今次為大家介紹嘅就係呢款櫻花馬卡龍工作坊，粉紅色嘅外觀造型充滿少女心 ，馬卡龍選用日本鹽漬櫻花做外殼，以粉紅同白色嘅配合以做出雲石嘅效果，入口散發濃郁的香氣，而且精緻嘅賣相用嚟打卡一流！
雖然馬卡龍睇落好似好易整，但係其實整一粒好食嘅馬卡龍一啲都唔容易，不過喺今次嘅甜品班專業嘅導師會由零開始，帶你哋整出12粒好好食嘅馬卡龍，就算係新手都可以放心參加！
最後為大家介紹嘅甜品興趣班就係棉花糖蛋糕工作坊，如果你或者你嘅摯愛有鍾意嘅卡通人物，呢個課程就十分適合你哋啦，因為你可以用棉花糖嚟做出外型十分神似嘅公仔，連細節位都做得十分精緻，無論係Little Twin Star、角落生物，定係Minion都可以整到，可愛度爆錶！收到嘅人一定好開心！
除咗外觀精緻，蛋糕亦有多款唔同口味可以選擇，例如係朱古力醬，鮮雜果，鮮士多啤梨等等，口感百變而且打卡一流，甜品控一定唔可以錯過
