其實滾軸溜冰係一項可以訓練小朋友平衡力同手腳協調既運動，仲可以提高小朋友既反應速度同專注能力添！依項運動並無年齡限制，唔少專家更加認為4至6歲係最適合學習既年齡！提早提高小朋友既運動因子同靈敏度，對未來發展百利而無一害架！今日小編為各位家長特選全港3間最貼心既小朋友滾軸溜冰班，有部分仲適合大人玩架！
1. 啟旋輪滑 TEAM YSKATE
啟旋輪滑係一個多元化既輪滑愛好者團體，宗旨係將輪滑同生活融合，令所以對滾軸溜冰有興趣既人都可以感受到滾軸溜冰帶黎既真實樂趣。教練會係香港多地開班，例如：元朗、屯門、長沙灣等等。詳細地址可以同教練商議，非常方便學員！
所有滾軸溜冰教練都保證非常有耐心，同埋有超高既滾軸溜冰技術以及豐富既教學經驗，絕對唔會紙上談兵！務求令小朋友唔覺得沉悶，但自信心滿滿！
啟旋輪滑亦有設立一次性初次體驗班，希望係滾軸溜冰體驗課程入面，令小朋友親自感受下對滾軸溜冰既興趣，再報名常規課程。每個小朋友都係獨一無二既，家長可以先從旁觀察，了解小朋友既興趣同能力。同時了解啟旋輪滑既實際教學水平，完成後先考慮是否繼續報名。時間為1小時既一對一體驗。係滾軸溜冰一對一教學入面，教練會更專注學員表現，仲會度身訂造適合小朋友既進度！
2. NOVA Skate 星霖滾軸運動
星霖滾軸運動位於葵涌，教室係專注滾軸溜冰教學，更加設有由基礎課程到港隊競賽各種級別，適合任何程度人士參加，無論係希望學習入面技巧，定係希望專業發展滾軸溜冰，參加各種比賽既你，都有適合既課程。
疫情仍未肆虐既時候，星霖滾軸運動仲會係特別日子舉辦活動，令學員同學員、學員同學校之間既連結增加。令滾軸溜冰既課程唔單止係學習既過程，更充滿暖意，變成收獲友情既最佳機會！
依家參與滾軸溜冰試堂仲有免費租借滾軸溜冰設備既服務，唔需要即刻購買滾軸溜冰鞋同護套等，一於試完堂睇下小朋友反應先！
3. 加泳滾軸協會KANATA ROLLER
加泳滾軸協會位於九龍長沙灣，並係2004年創立，除左滾軸溜冰教學之外，仲有各種器材出售，例如：滾軸溜冰鞋同埋護套。業務範圍以滾軸溜冰教學及出售各式滾軸溜冰器材為主。加泳滾軸協會為推動滾軸運動，以有趣、創新角度去教授學生。絕對唔會以傳統、沈悶方式去教學。務求令小朋友寄學習於娛樂中。
總教練蔡先生係現役香港自由式輪滑隊總教練，帶領香港隊係國際賽事獲得驕人成績。而蔡先生帶領既教練團隊都個個出色，以最認真、最專業既態度對待每一位學員。無論係大人定小朋友都可以搵到適合自己既定位。
加泳滾軸協會有超豐富既教學經驗，經常同唔同既教學團體合作，例如：中學、小學等。絕對唔洗擔心你既小朋友得唔到最好既教導啦！
係參加滾軸溜冰常規課程之前，必須參與45分鐘既「兒童體驗涵接課程」，所有設備都係免費租借。
其實無論大人小朋友都可以參加架！覺得同其他人一齊學滾軸溜冰好尷尬？協會舉辦私人課程，咁你同你既小朋友都可以盡情玩樂，獲得最全面既教學！
