星空畫係近年大熱嘅藝術課程，因為星空畫作過程令人療癒，製成品亦可以瞬間令屋企平平無奇嘅牆壁變成美麗夢幻嘅空間！今次就為大家搵咗三間專為繪畫新手設計嘅課程，就算無任何經驗都可以參加嘅星空畫課程。唔小教室亦提供單堂嘅體驗課程，等未能抽空參與數堂恆常班嘅你亦可以體驗星空畫！課堂上只需放鬆心情，儘情發揮創意就可以！
LoveMyArts係位於觀塘嘅專業藝術教室，有提供多款藝術課程畀唔同年齡層嘅人士參加，成立以來廣受歡迎，佢哋喺Google Review更獲得 4.9/5.0分嘅高分。
佢哋店內其中一個人氣課程就係星空畫班，佢哋嘅星空畫班為單堂嘅體驗堂，啱曬想玩星空畫但又未有時間報恆常班嘅朋友。 星空畫體驗班時間約兩小時費用為$380，費用已經包括所有所需器材，如30cm x 40 cm棉布畫框、顏料等等，為咗比學生有更好嘅體驗同埋每個學生得到更好嘅照顧，LoveMyArts亦採用咗小班制教學，環境方面，佢哋教室舒適寬敞，叫埋幾個朋友一齊參加都冇問題！
星空畫班一班只有四個名額，有興趣嘅朋友記得早啲預約！
Shellelau Watercolour嘅創辦人兼導師Shella Lau係香港嘅水彩畫家，有多年水彩經驗。佢地設有唔同嘅試堂及恆常班。
星空畫班課程大約為2至2.5小時 ，課程中，學生會學到水彩基本用具講解，星空畫嘅作畫過程及示範。課程費用亦已包畫紙，筆及顏料等。Shellelau Watercolour位於觀塘時運工業大厦，由地鐵站行過去只需要約五分鐘路程，位置十分方便。佢哋課程每班人數最多只有四人，有興趣嘅朋友要記得早啲預約啦
魏術館於2004年創立，至今已經有超過15年歷史，係一間香港人氣畫室，Facebook專頁亦獲得超過3000個讚好。佢哋教室提供多種唔同嘅藝術課程，當中包括各種嘅星空畫，例如油畫單堂雪中極光及三堂夜空嘅短期課程。佢地亦曾興不同機構如Dior、香港電台等合作，有豐富嘅教學經驗 。魏術館開放時間為早上10點至晚上7點。
