押花源自於19世紀既歐洲，近年亦越來越多人對押花呢樣手作有興趣，透過不同的技巧將將花朵與不同的小物配合，造出如押花書籤、手機殼等等典雅浪漫的作品，將美麗的鮮花永久保存 。如果大家都對壓花有興趣不妨可以參考呢幾間人氣壓花工作坊，約埋朋友一齊為押花diy，為生活帶來一點清新綠意！
1. Twilight Art Studio
距離荔枝角只有約三分鐘路程嘅Twilight Art Studio開業以來大受歡迎，推出咗各款人氣工作坊，而佢哋近年近日亦首次推出咗清新治癒嘅押花工作坊。押花課程推出咗之後吸引到唔少閨蜜一齊，參加亦有男仕專程整禮物比另一半。
課程時間約兩小時，喺課程中你可以學識各種押花嘅技巧，以及可以親自挑選不同的花材以製作獨一無二嘅手工押花作品。押花課程中亦可以自由挑選自己鍾意嘅顏色及款式，咁就襯衫都更加容易啦。課程完成之後你可以帶走共兩件飾品 （耳環/吊飾+ 髮夾)。
押花工作坊亦以小班教學進行，最多4人，快啲約埋閨蜜一齊參加啦。
2. Tripbombom
之後為大家介紹嘅Tripbombom曾獲各大媒體與tvb新假期明報等等追訪，人氣極高。離葵芳地鐵站亦只有五分鐘路程十分方便。佢哋嘅押花課程亦會由有超過六年花藝經驗嘅導師教授，教學經驗十分豐富。
佢哋有提供各款嘅押花工作坊，例如押花香檳杯工作坊($400)茶碟茶壺工作坊($650)，課程中你會學到押花製作過程嘅知識及注意事項，以及基本嘅滴膠運用技巧如消泡、混合等。有靚靚成品之餘亦可以學到關於花藝的知識增值自己。
3. Fleur Doux
創立於2016的Fleur Doux位於上環嘅蘇杭街，係少有位於港島嘅工作坊，十分方便住喺港島區嘅朋友。提供多種唔同的花藝及押花工作坊及產品，曾與多家不同的學校及公司舉辦品牌活動及工作坊，教學經驗十分豐富 。佢地受歡迎嘅課程包括押花相架工作坊及押花時鍾工作坊等，押花工作坊價錢約$340-$460不等。
要注意嘅係，佢哋開放時間只有星期五六及日，有興趣嘅朋友要記得早啲預約呀。除咗工作坊佢哋亦有提供不同的壓花產品可以自由選購。
