好玩又好食嘅扑扑蛋糕近年喺香港十分受歡迎！除咗勁靚嘅星空外殼，入面仲可以放唔同嘅公仔造型，用嚟做生日蛋糕慶祝就超一流啦！
不過星球蛋糕對比起其他蛋糕製作難度更高，所以有時喺屋企都好難整得到，不過大家唔使擔心，如果你想親手製作一個蛋糕但又驚喺屋企好「論盡」，咁參加一啲扑扑蛋糕工作坊都係一個唔錯嘅選擇，方便得嚟又唔使擔心整得唔靚。今次我哋就為大家揀咗三間係香港人氣十分高嘅扑扑蛋糕課程推介，等有興趣嘅朋友都可以參加。
首先為大家介紹嘅就係喺葵芳Dessert Party Baking Studio嘅扑扑蛋糕工作坊 ，烘焙教室環境舒適乾淨，仲有天然光添，十分舒適！佢哋嘅扑扑蛋糕課程自從推出以來好評不斷! 因為Dessert Party 嘅扑扑蛋糕除咗成品好靚之外，蛋糕材料嘅選了都十分有質素！ 例如星球蛋糕入面嘅海綿蛋糕，就選用左法國Valrhona 朱古力、日本小山圓抹茶粉！又靚又好食。
Dessert Party Baking Studio 嘅扑扑蛋糕工作坊中，學識左扑扑蛋糕做法後，你可以每個步驟都親手參與，導師都會全程喺你身旁指導，就算無烘焙經驗都可以輕鬆做出唯美嘅扑扑蛋糕！
扑扑蛋糕嘅外殼款式可以由你自由挑選，無論係得意嘅卡通外殼定係夢幻星空外殼都一樣得！而海綿蛋糕有3款口味可選，包括雲呢拿，朱古力，綠茶，而餡料就有足足6款選擇(鮮什果/鮮芒果/鮮士多啤梨/鮮藍莓/朱古力醬/紅豆)，一定有款啱你口味！
而且工作坊上課時間十分彈性，只要係佢哋嘅開放時間內都可以自由預約，不過課程都比較滿，有興趣嘅朋友就記得要預早啲預約呀。
位於荔枝角創匯國際中心嘅Miss Sweety Bakery地鐵站B出口行過去都係只需要大概五分鐘嘅路程十分方便。
佢地主打兩款扑扑蛋糕，分別係卡通扑扑蛋糕同星球蛋糕！卡通扑扑蛋糕更有多達14個款式比你揀！ 佢哋嘅扑扑蛋糕有原味及朱古力粒餡料比你揀，仲可以可自備小禮物收係扑扑蛋糕入面！令扑爆一刻有無限驚喜，相當吸睛！
佢哋嘅工作坊亦係採用小班教學制，等導師都有足夠嘅時間去照顧每位學生嘅需要。
一間介紹嘅就係元朗嘅焙之味，佢地有舉辦多款唔同嘅甜品烘焙班，好似係拉錢蛋糕、馬卡龍蛋糕等，當然亦有人氣嘅扑扑蛋糕班啦。
焙之味嘅扑扑蛋糕成品約有6吋半，除左有可款款式可以自由選擇，仲可以加$50加配馬卡龍，一次過滿足曬你兩個願望！
不過提提大家記得上堂當日記得唔好遲到呀，因為遲20分鐘或以上有機會會被當作自動放棄上堂，無得退款架！
