所有文章

相信大家都試過新居入夥有唔同嘅小工程要處理，又或者係係屋企有唔同地方出現咗小問題例如水喉漏水或者燈泡壞咗要更換但係就唔知點處理？

如果下下都要叫師傅，費用一定十分昂貴，而且一啲小地方、小問題師傅亦都未必肯老遠過黎用幾分鍾幫你整，其實唔少嘅家居小問題唔難處理，只要學識咗基本嘅技巧，以後就有咩問題都可以自己修理㗎。可能你會諗，原來裝修都有得學㗎咩？其實香港亦有幾間提供裝修課程嘅教室，唔少更係有即日嘅單堂課程，等你一日學識曬多種家居維修技能。

1. 裝修佬

首先要介紹就係全港最出名嘅家居維修教室 - 裝修佬。佢哋自從推出咗DIY家居維修課程 (課程詳情) 後大獲好評，亦獲各大媒體如ViuTV、HK01等報導。係課程為7小時嘅課程中，你將會從專業師傅身上學到超過50款家居常用嘅技能咁多！當中包括更換門鎖、接駁燈座、更換水龍頭、批灰、電鑽/油壓鑽使用等實用技巧，好多學生上完呢堂課程之後，返到屋企都可以順利將遇到嘅問題自行解決。

家居維修DIY班專門設計比無任何經驗嘅新手，全部技巧由零開始講解，各種工具設定 + 施工順序 + 安全指引都會詳細講解，適合任何年齡層嘅學生，課程以簡單易明的方式教授，女仔都一樣輕鬆學得識！

驚落左堂返到屋企之後唔記得點用？唔洗擔心！因為裝修佬亦會安排課程後都有全天候嘅支援，例如師傅會網上全天候解答你所有嘅疑難，甚至會拍片教導你哋應該點做添！所以真係落手落腳做時亦可以問專業師傳！完成課程嘅學生亦可以加入舊生會，有其他有經驗嘅導師同學員解答任何有關裝修嘅問題，亦可以同其他人交流心得。

課程十分全面，無論係諗住新居入夥想學好基本裝修，定係想學識各種技能以備移民等不時所需都十分適合，基本上絕大部分家居中有機會遇到嘅問題都會喺課堂上有講解。

課堂會係佢地全港唯一5000尺DIY教學基地舉行，主要分為戶外、戶內兩部分，兩個地區都有先有專業導師講解，再有大量工具比每位學生任試任玩，亦有足夠實戰時間，唔係只得理論。教室亦有大量裝修材料可以以優惠價選購，唔識揀嘅時候亦可以即場請教各位專業導師咁就唔驚買錯啦。

課程詳情:

2. 家居維修學院

第二間為大家介紹嘅就係家居維修學院，係今次嘅「家居維修初班」，你地可以學到超過十種常用嘅家居維修技能，包括更換花灑，更換龍頭以及各種油漆技巧等等。家居維修學院曾經同唔同嘅機構合作舉辦課程例如，屋宇署、獅子會等，教學經驗十分豐富。佢哋嘅教室位於九龍灣，離地鐵站只有約數分鐘路程，位置十分方便。

課程全程亦有資深嘅裝修導師執教，除咗教授理論，仲會有比學生實踐嘅時間。確保大家都可以學識咗先落堂。佢哋嘅課程為$980，每班20人，學費已包所有課程所需工具及材料費，而學費一部份更係會捐贈到「家居維修義工協會」，幫助到有需要嘅人。依家like佢哋Facebook專頁更可以獲得$100學費豁免添！2人同行亦會有9折，如果有興趣嘅朋友就記得快啲報名。

3. 職工盟

最後為大家介紹嘅就係職工盟嘅「辦公室及家居小型水電維修基礎證書」，水電可以話係家居最常會出問題嘅地方，喺呢個16小時嘅課程入面你就可以學識各種關於水電嘅知識同埋維修方法，課程分四堂進行，每一次4小時。課程比其他嘅單日課程詳盡，除咗適合想詳細專業家居維修嘅朋友亦適合之後進入裝修行業嘅朋友。

課程中除咗可以學到一啲常見嘅問題，如電箱電路設計、廁所水箱安裝及維修喉管瘀塞解決方法等，仍可以學到一啲教小機會學到嘅技能如瑩光管安裝方法及UPVC、銅水喉安裝及維修方法等。係一個非常全面嘅家居維修課程，課程費用為$1700，另外需要加300元為材料費。有興趣報名嘅朋友可以上番職工盟嘅官方網站下載佢哋嘅報名表格，或者聯絡佢哋以獲得更多課程資訊。