相信唔少人都有聽過和諧粉彩(Pastel Nagomi Art)，其實和諧粉彩係由來自日本嘅細谷典克先生創立，細谷先生後生時一直喺銀行工作，但日本工作壓力大嘅文化，令佢承受極大嘅壓力，而且當時喺日本又越來越多輕生嘅案例，令細谷典克先生十分心痛。
偶然機會下，身為原本已經係一名藝術愛好者嘅細谷典克先生發現可以透過簡單嘅粉彩工具同材料，製作出美麗和諧嘅畫作，從而創立咗和諧粉彩呢門藝術，之後佢仲創立咗日本粉彩希望藝術協會「日本パステルホープアート協会」(JPHAA)，透過和諧粉彩課程將和諧粉彩推廣去世界各地。為世界上更多人減壓同時，用藝術帶黎和諧同埋豐富嘅生命。
其實和諧粉彩課程自從創立以呢喺世界上好多地方已經可以搵到，連香港的有唔少提供和諧粉彩課程嘅工作坊，今次就為大家介紹其中三間熱門嘅和諧粉彩課程工作坊，有興趣嘅朋友都可以參考下。
位於觀塘成業工業大廈嘅 LoveMyArts 距離觀塘地鐵站只有幾分鐘路程，地理位置十分方便。畫室提供多種唔同嘅藝術課程，當中包括佢哋人氣嘅和諧粉彩課程($350)，係一個半小時到，你可以自由挑選自己鍾意嘅顏色、節奏來創作和諧粉彩，課程亦無任何年齡同埋經驗上嘅限制，就算係新手都可以放心參加。
和諧粉彩課程費用亦已包括所有所需要嘅材料同導師費，參加者無需帶備任何工具就可以上堂。
LoveMyArts 亦係Google Review獲得4.9/5分嘅高評分，可見學生都十分滿意佢哋嘅教學！
另外，因應疫情方面，教室亦作出相應措防疫施例，如每天會消毒畫室、卓椅、畫具等等，而且上課時必須全程戴住口罩，進入教室時亦需要以消毒液清潔雙手。咁就疫情期間大家都玩得開心又放心啦。
第二間為大家介紹嘅就係Jubiland Art，佢地係香港其中一間最受歡迎嘅和諧粉彩班，Instagram 亦有超過3000個follower。有豐富嘅和諧粉彩課程教學經驗嘅導師Judy好希望透過和諧粉彩帶給別人喜樂、喜悅。
Jubiland 提供多款唔同課程，例如係準指導師班，體驗班及私人班等，比有唔同需要嘅學生輕鬆搵到自己鐘意嘅課程。佢地嘅人氣課程包括和諧粉彩體驗班，2小時課程費用為$300，價錢已包材料及導師費。如果想畫奈啲朋友，亦可以選擇佢地嘅3小時體驗($420)，可以一堂中畫兩幅畫！
佢地除咗提供和諧粉彩體驗班仲有提供日本和諧粉彩準師資培訓，等玩完體驗班有興趣繼續進修嘅朋友都可以繼續參與導師課程 。
和諧粉彩課程中經驗豐富嘅和諧粉彩導師會教識你唔同嘅和諧粉彩技巧、力量、用量及細緻度等等各方面嘅知識，亦可以學到使用唔同和諧粉彩工具，讓每位學生喺課程完成之後都可以掌握到正確嘅和諧粉彩方法同埋技巧。
除左課程外，有興趣嘅朋友都可以留意佢地嘅YouTube Channel，導師Judy 會係channel中分享各種教學及技巧！
最後介紹嘅就係 Rainbow_Art，佢地係香港一間受歡迎嘅和諧粉彩教室，主打1.5小時嘅和諧粉彩體驗班，係觀塘或葵興都可以上堂！
Rainbow Art 希望透過和諧粉彩，令每個人都可以感受藝術嘅治癒力同真善美。體驗班費用為$280/位，時間為1.5小時，已包所有所需用具及導師費，如果二人同行更各送和諧粉彩專用畫框一個！課程亦十分適合新手參加，就算係第一次接觸和諧粉彩都無問題。
除左和諧粉彩課程外，Rainbow Art嘅IG Page亦都不時提供各種關於和諧粉彩主題嘅畫作，有興趣嘅朋友都可以follow佢哋嘅IG page。
