夏天除咗游水同去沙灘之外，香港仲有好多嘢玩，小編就大家介紹幾個夏日必玩興趣班，
潛水
好多人都有個誤解，覺得潛水係專業嘅人先可以玩，一般人淨係玩到浮潛。其實，潛水是項非常親民的活動，就算唔識游水都可以參加
如果想係香港潛水，最主要有兩個途徑 —— 參加「體驗潛水」或「潛水課程」
體驗潛水
如果你從來未潛過水，又想體驗下潛水嘅感覺，咁體驗潛水活動就非常適合你啦。 係體驗潛水，你唔需要識得任何技巧，只需要放鬆身體享受水下的世界，專業的潛水導師會全程在你身邊帶着你，所需嘅器材亦會為你準備好。
體驗潛水一般價錢約$800至$1000通常包2至3次下潛，船費同埋午餐。相對於潛水課程，體驗潛水參加者不需要懂得游泳，而且價錢相對便宜，建議可以先玩一次體驗潛水，睇吓自己適唔適合潛水，先再決定報名潛水課程。
參加方法：可以按此處了解更多詳情
潛水課程
而如果試過體驗潛水覺得有興趣嘅朋友，可以參加不同機構的潛水課程，一般潛水證書只需要三至四天就可以完成，價錢約$3000至$4000不等， 一般的初級課程，就是俗稱O仔的Open Water，考完之後就可以去到世界上任何一個地方租借潛水工具參加潛水活動。 在香港也有非常多的認證潛水教練
參加方法：可以按此處了解更多詳情
潛水地點
1. 清水灣小棕林
位於清水灣的小棕林是香港的潛水聖地，吸引到不少潛水愛好者前往，大家可以係觀塘敬業里上往清水灣方向嘅103號小巴($10.4)搭到孟公屋站(15 分鐘左右)，再行1.9公里就可以去到！另一個方法就係寶林公共運輸交匯處上16號小巴($9.6)，同樣搭到孟公屋站，步行到小棕林。 海灣中央大概5米深而且有個平坦嘅海床棲息住好多唔同嘅海洋生物有海馬、小丑魚、寄居蟹、盲蝦等等，適合新手去玩！
2. 西貢橋咀洲
大家可以搭西貢碼頭開出嘅街渡(大概$20 - $40)，或者有啲潛水課程會組團坐船去。橋咀洲有4個潛水熱點，每個都係10米水深左右，棲息住唔少海葵同珊瑚群，亦有會魚群游過！如果細心啲睇仲可能會搵到隱藏係沙石嘅八爪魚！
滑浪
夏天去沙灘想有啲新嘢玩可以試下玩滑浪！滑浪近年愈來愈受歡迎，更首度成為東京奧運2020新增項目之一。但唔好以為滑浪一定係外國先玩到，其實香港一樣有唔少滑浪聖地！大浪灣同長沙都係非常受歡迎的滑浪地點。
滑浪地點
1. 大浪灣
於西貢親民街乘坐29R小巴到達西灣亭，跟隨清晰指示步行約4公里。呢度滑浪嘅好處係好多時都有足夠嘅浪勢滑浪，而且係風平浪靜嘅日子亦可以睇到好靚嘅風景。不過交通比其他地方麻煩，同埋冇救生員，所以去滑浪嘅人士要注意安全！
2. 大嶼山長沙
於大嶼山巴士站乘坐1、2、4、11、23號巴士到下長沙村(約20分鐘)，再步行5分鐘就到下長沙泳灘。呢度係全港最長而有合適浪勢嘅地方，而且遊人唔多又有救生員長期當值，絕對適合滑浪嘅地方！
如果想係香港玩滑浪，可以考慮參加不同滑浪教練提供的體驗班，就算係無需任何滑浪經驗嘅新手都可以放心參加。而且教練亦會借埋滑板比參加者，無需自行帶備。價錢約 $900 / Hour（1對1） 、$750 / Hour（1對2） 或$550（1對3-5）
參加方法：可以按此處了解更多詳情
Wakeboard
如果唔識游水又唔敢滑浪嘅人可以玩咩水上活動？當然係近年十分流行嘅Wakeboard啦！Wakeboard係靠連住艘船嘅繩作為動力嘅滑水運動，就算係冇浪嘅日子都可以玩！唔好以為夏天先玩得，其實一年4季都可以玩到Wakeboard。
當學識左基本技巧後，你亦可以挑戰更多難度高嘅花式！
要記得，玩Wakeboard最重要係唔好怕水！！怕水就會令全身無法放鬆而失去平衡，影響你玩Wakeboard。因為玩咗好多次都未能起水係相當大挫折㗎，但失敗多幾次就會成功，唔好氣屢！
除了好玩刺激外，Wakeboard亦係一項要用到重身肌肉嘅運動，能有效燒脂練肌，難怪近年咁多女仔參加！
係香港玩Wakeboard價錢約$550-700 一個鐘，但人數不限，意思係自己1個人玩一個鐘，同3個人玩一個鐘，價錢都係一樣，咁如果多人玩除返開，咁就會相對便宜。
參加方法：可以按此處了解更多詳情
不過水上活動始終有一定危險，切記要跟隨教練指示行動！
