有時候幫公司諗Team Building活動諗到頭都大埋呀，好玩得黎又可能太貴，不過唔使擔心，今次小編就為你介紹3款抵玩又好玩嘅Team Building活動推介，等你同同事喺活動中打成一片，打好關係。
首先為大家介紹嘅Team Building 活動就係流體畫工作坊，平時返工咁大壓力，玩Team Building 梗係要放鬆下， 流體畫的創作過程療癒，重點係整個創作過程無需任何規劃，可以畀大家係輕輕鬆鬆嘅心情下完成畫作，而且工作坊簡單易玩，就算冇任何畫畫經驗都可以瞬間完成高質素畫作！導師亦會在旁指導確保大家都玩得開心又放心！
霓虹燈充滿著濃濃嘅香港文化，喺霓虹燈team building工作坊你哋可以親手製作出屬於你哋自己嘅霓虹燈，製作嘅款式都係由你地自由決定，無論係想整自己個名，定係鍾意嘅卡通人物都一樣得！霓虹燈更係唔需要插電源，只係幾粒筆芯電就可以，帶出街打卡都一樣咁方便呀。Team Building工作坊會提供所有製作霓虹燈需要嘅工具，課程輕鬆有趣。導師亦會從旁指導和協助，所以就算係第一次玩都不用太擔心！
相信唔少人出咗嚟做嘢之後都會有噴香水嘅習慣，但係市面上買到嘅香水款式雖然好多，但係有時候始終搵唔啱自己想要嘅香味。喺今次嘅Team Building工作坊你就可以親手調配一支屬於自己嘅香水，工作坊會提供多款唔同嘅香水味道，等你自由調配出自己鍾意嘅香味。工作坊完成後每人都可以帶走一支自己嘅香水，細細支嘅香水瓶就算帶出街都十分方便 ，淡淡的清香，令你嘅心情都瞬間變好！
