近年疫情關係大家都少咗機會去旅行，相信唔少人都選擇將staycation作為放假必玩嘅首選！而去旅行同Staycation最大嘅唔同就係旅行旅行可以周圍去唔同嘅景點，而通常staycation都係會留返喺酒店度，但有時又唔知係酒店staycation有咩做？唔洗擔心！今次就為你介紹三款必玩嘅Staycation活動，無論係兩個人情侶浪漫staycation定係同朋友一齊staycation都啱用㗎!
1. Staycation有咩做 (一) - 睇戲
第一個為大家介紹嘅staycation活動就係睇戲啦，而最受歡迎嘅程式當然係Netflix啦，Netflix係全球著名電影串流公司，上面有來自歐美日韓國國嘅海量電影同埋電視劇等等，包你冇悶場! 收費方面每個月任睇都只係需要幾十蚊港幣，十分化算。而除咗Netflix之外其實都有唔少免費嘅渠道可以睇到各種節目，係如係Disney+或者Amazon Prime！Disney+更有唔少卡通，更加適合一家大細觀賞。
2. Staycation有咩做 (二) - 有趣DeepTalk話題
第二款為大家介紹嘅活動就係DeepTalk對話卡，近日DeepTalk係世界各地捲起一股熱潮，如果想同另一半/朋友有更多有意義嘅體驗就一定唔可以錯過啦!
相信唔少情侶或者朋友平時嘅對話可能都只係局限咗喺一啲比較淺層次，甚至冇咩營養或意思嘅對話，例如講下天氣或者新聞發生嘅事，近年英國有研究發現其實如果只係講呢講比較淺顯嘅對話，兩個人嘅關係未必有太大進展 ，反而傾一啲有意義但平時較少機會講嘅有趣話題反而會親密感Up! 快速讓兩個人之間的親密度大大增加，無論係情侶兩人定係好友或閨蜜定係一家大細都啱玩㗎！
DeepTalk 玩法十分簡單，每一次都會有一條隨機問題出題，雙方輪流作答!
比幾條問題大家參考下!
你一生最追求的是什麼：成就、安全、愛、權力、興奮、知識，還是其他？
你有多少友誼持續了十年以上？你覺得你現在的哪些朋友在十年後對你仍然很重要？
試說出一位至今記憶猶新的中同同學 都係未知staycation有咩做？
3. Staycation有咩做 (三) - Board Game
最後為大家介紹嘅staycation活動就係唔同嘅卓遊Board Game! 好多人一講起桌遊可能淨係諗起大富翁，其實市面上好多款唔同嘅款式又勁好玩！亦都唔一定款款都需要好多人先至可以參與㗎！市面上亦有十分多高質素嘅桌遊係專門設計俾兩個人玩，最適合情侶Staycation嘅時候玩，如果係兩個人嘅話可以試下7 Wonder Duel，多人就可以玩下狼人殺、掘金或卡坦島!
