小朋友每日返8個鐘學，放學又要返補習社或者去唔同嘅興趣班，冇乜時間真正做到自己有興趣嘅嘢。據德國漢堡大學，疫情對兒童心理添壓力，加上近年社會事件，令小朋友壓力雪上加霜。所以小編幫各位家長歸納咗幾類假期同週末可以同小朋友去嘅親子好去處同親子活動，真正咁build up小朋友嘅興趣，同舒緩吓壓力！
1. 親子陶瓷班
小朋友可以運用自己嘅興趣同創意，親手DIY出屬於自己嘅作品。完成後家長亦都可以將小朋友嘅作品帶返屋企留念，作為小朋友成長嘅印記。
陶瓷杯：可以自己設計適合嘅大小平時屋企飲嘢用都得，仲可以一家人夾埋設計家庭裝嘅杯添！
陶瓷碗 / 陶瓷碟：平家長煮飯小朋友都唔願食蔬菜類，但係有咗色彩豐富嘅碟話唔定可以減少小朋友揀飲擇食嘅問題，亦都可以令餸菜有多啲「變化」。（可能煮嘅嘢都係一樣）
2. 親子烘培Workshop
烘培班(蛋糕, 曲奇等等)：唔知各位家長有冇試過跟足網上嘅食譜做都係失敗呢？又或者係整完晒啲嘢唔想洗啲碗碟呢？烘培班嘅好處就係有人可以話比你知邊個步驟做錯，甚至可以話比你知一啲網上冇講但又好實用嘅小技巧！(最重要係有啲course可以唔洗自己洗返啲用具)
3. 親子書法班
中文 / 英文書法班：書法並唔單只係寫靚一個字咁簡單，例如中文書法背後都有好多禮儀要知道. 真正可以係書法班學到嘅嘢遠遠超過字體藝術。係家長陪伴下同小朋友一齊係課程嘅呢段時間沉甸一下, 讓到自己心靈平靜。
其實除咗陶冶性情之外，書法都可以幫小朋友發揮創意，例如英文書法變化可以更大。英文草寫已經有好多唔同嘅風格，仲可以造出文字藝術作品。十分適合想提升藝術造詣同改善字體嘅人士，尤其是家長想揀啲簡樸得嚟又帶藝術氣息嘅親子活動。
