【香港好去處】2022年必試！3間全港最好玩既陶瓷課程！
陶瓷一向係好多人都好中意既活動，除左可以放鬆心情外，製成品亦可以帶回家使用，實用性極高，不過好多初次接觸陶瓷嘅朋友都唔知報邊間好。今次我哋就為大家介紹呢3間近年係香港十分受歡迎嘅陶瓷工作坊！
1. 思陶陶瓷教室
首先為大家介紹嘅思陶陶瓷教室位於太子，由港鐵站行過去都只需1-2分鐘，十分方便！環境十分乾淨、寬敞，仲有獨立洗手間，咁就唔怕整污糟手啦！
工作坊有好多唔同課程，有手捏課程亦有迷你拉坯工作坊，基本上你想整嘅作品都可以整到！
工作坊有好多課程都係設計比未接觸過陶瓷初學者嘅工作坊， 好多課程都係一堂就可以完成嘅體驗班，適合第一次玩陶瓷嘅朋友！導師Rita有多年陶瓷經驗，會在旁指導，所以唔洗擔心整唔到。為確保每個學生都可以成功學識做唔同作品，教室亦堅持小班教學，每班1-4人(如多位朋友希望一齊參加，可最多6人）
工作坊有多款課程如陶瓷手捏杯、陶瓷耳環、陶瓷電話座/卡片座等！
將一舊普通嘅泥由搓泥，塑形，上釉到慢慢成形，感覺十分治癒。
清酒Set係其中一個最熱門課程！十分美觀！
2. 石下陶瓷
石下陶瓷係香港其中一間最出名嘅陶瓷教室，單單係IG Follower已有接近四千人！佢地導師嘅陶瓷作品係K11， 南豐紗廠The Mills及灣仔藝術中心等地亦有售。教室位於九龍新蒲崗，可於鑽石山站步行約5-10分鐘即可到達。
石下陶瓷提供多樣化既陶瓷班，想體驗下陶瓷嘅朋友可以參加教室人氣嘅單堂陶瓷體驗班($680/堂)，製作成品之後，會由陶瓷導師專業上色。如果對陶瓷好有興趣，亦可以考慮2堂嘅陶瓷班($880/共2堂)，第一堂會親自製作器物，而第二堂就上色。
如果想製作多款陶瓷就可以參加 Intensive 一日自組陶課工作坊($1080/堂)，除左可以學到彩繪上色技巧，更可製作2-5件不同的陶瓷作品。如果想同小朋友放電，就可以參加可以參加親子一日陶課($1080/一大一小)。所有費用已包括燒窯費，材料，圍裙及工具借用等。
為咗確保課程質素，佢地嘅課程都係採用小班教學，每班最多4人! 有興趣嘅朋友千祈唔好錯過啦，石下陶瓷星期一到日都有開放，但記得體驗之前記得要預約左先呀！
3. Clay.thelab
位於香港荔枝角潮流中心，Clay.thelab離地鐵站只有約3分鐘路程，位置十分方便。Clay.thelab為香港首間軟陶工作坊，希望將軟陶文化帶比更多香港人認識。軟陶比傳統陶瓷更易玩同快乾，導師亦會由零開始教授，所以第一次接觸軟陶嘅朋友亦可放心參加。
Clay.thelab主打兩款陶瓷班，分別係手作軟陶月形鏡($480)及軟陶碟工作坊($450)，月形鏡外型十分精緻夢幻，令女士們每次照鏡時都心情瞬間變好！而軟陶碟工作坊就有多款唔同款式，仲可以加$40手作一隻軟陶公仔放係上面！
使用溫和嘅木白色為主嘅教室除左有天然自然光外，環境亦十分寬敞舒適，因為導師希望可以比參加者喺最舒適嘅環境之下學習陶瓷，亦等緊大家完成課程之後可以慢慢打卡！
