網球係一項優雅而又刺激好玩嘅運動，無論喺香港定係外國都廣受歡迎，每年舉行的各種網球錦標賽更吸引全球數百萬人觀看。對網球有興趣的話亦可以考慮參加坊間一啲網球興趣班或者體驗班，親身參興呢項刺激又好玩嘅活動。今次小編就帶你介紹三間香港受歡迎嘅網球課程

 

1. Jacky Wong 網球

首先為大家介紹嘅就係著名網球教練Jacky Wong嘅課程，Jacky為香港網球總會註冊教練，更成為美國專業網球總會教練 (United State Professional Tennis Association Registered Coach)，並已經有超過10年經驗教學資歷，經驗十分豐富，佢有分兩大類課程，包括私人課程以及團隊課程。私人網球班每小時費用約$500-$600不等，根據場地地區及人數而定。(一對一/$500小時；一對二/$550小時；一對三/$600小時)

課程歡迎任何對網球有興趣嘅人士報名參加，無論係小朋友參加兒童網球班定係成人參加成人網球班都十分歡迎。課程亦會因應每位學生技術而度身訂造，就算係新手亦可以放心參加，因為教練會由零開始教你各種技巧。課程內容除咗基本功例如正手，反手擊球外，亦有高階技術與網前折擊等等，令你的網球技術得到全方位的提升。

 

 

2. 香港網球總會

之後為大家介紹嘅就係香港網球總會，香港網球總會希望透過舉辦不同的網球活動，培養具潛質的本地球員參與地區和國際賽事。佢哋嘅主要課程包括普及訓練成人網球班，希望為18歲以上嘅香港市民提供價錢合理又優質的網球課程，所有課程都係由香港網球總會持牌教練教授。課程課程共分三個等級 - 初級、中級和高級，有興趣嘅朋友可以上香港網球總會報名，暫時只接受網上報名，會以先到先得嘅形式接受報名。

 

 

3. 香港網球教育學院

香港網球教育學院提供多款唔同嘅網球班，適合唔同背景和年齡嘅人士參加，當中包括兒童訓練班、青少年訓練班、成人初班或成人中班，當中最受歡迎嘅係成人初班，一般於週末晚上進行，喺各區都可以學到例如黃大仙、沙田、奧運等等，每班人數亦限制為最多五人，等每位學生都可以有更多時間同教練學習，有任何疑問亦可以隨時發問。

每個課程的堂數共10堂，亦會不定時推出各種優惠，有興趣嘅朋友可以留意佢哋嘅官網。除咗網球班之外香港網球教育學院嘅網站亦提供多種教學，例如各種網球明星的動作分析等等。