紮染顏料邊度可以買?你仲上網睇緊紮染教學?不如親自參加同朋友紮染工作坊,創造屬於你既作品!小編為大家細選全港3間最正既紮染工作坊,陪大家玩轉色彩!
成日聽人講紮染,你又知唔知原來東晉時期已經出現?紮染好似藝術家先玩得?其實只要係對紮染有興趣既人都可以玩架,紮染非常隨心,輕輕鬆鬆就可以創造出意想不到既圖案。使用唔同既紮法、染料同布料,就會有千變萬化既效果!小編為大家細選全港3間最正既紮染工作坊,包你玩盡色彩既樂趣!
小編要為大家介紹既第一間紮染工作坊就係Amaze Art Studio。工作室位於元朗,距離輕鐵站只需要1分鐘步行距離,位置非常方便!工作室環境非常舒適,仲係少數有天然光嘅畫室,提供最好既環境比學員靜心創作!
紮染圖案一般都有所規律,同時又唔會又既定既做法,全憑學員自己既想像力同創作力!無論點學員想整都可以隨意發揮自己既小宇宙架!
紮染圖案究竟係點整出黎架呢?只需要導師幫助下,使用你鍾意既配色、染布,配合各種小工具,就可以整到唔同既團案架啦!只要用橡筋、繩、夾、木條等小工具輔助,就可以紮染出千變萬化的圖案。甚至可以創作出你想像唔到既樣添!紮染就係咁有魅力,需要整好製成品之後,先知道唔同顏色同規律既配搭下有咩圖案,保證每個人整出黎既效果都唔一樣,令人超級期待!
導師非常有耐心,每一個步驟都會仔細解釋比學員聽,仲好鼓勵學員大膽發揮創意,作出嘗試!導師都會簡介下紮染既背景、文化知識,令學員全方面體驗傳統染布技藝既獨特魅力。紮染工作坊好評不斷,好多學員都表示玩得盡興同開心架!
2小時嘅紮染工作坊價錢為$350,紮染導師會全程在旁指導,工作坊2個人就成班,唔洗擔心預約好又取消啦!
Amaze Art Studio有多達15色比學員自由配色,可想而知有幾多可能性!費用為$350位,費用包括:導師費、一件Tee shirt、一塊50x50cm棉布。學員仲可以加錢升級其他布料!非常適合親子、朋友一齊參加!即刻去圖睇下學員作品啦!
自己染既Tee shirt吸睛率超高,著出街實好吸引人注意!鍾意低調又得,浮誇又得,都可以同導師講,製造屬於你最獨一無二既Tee!
連襪都可以做紮染,真係低調得黎又帶點浮誇!
第二間係位於荔枝角既Twilight Art Studio,相信有留意OhMyCourse 或者鍾意藝術既你,一定會知道Twilight Art Studio!工作室教授各式各樣既藝術課程,小編之前就介紹過佢哋超高質素既素描班,今次介紹既係同樣人氣高企既藍靛染 · 傳統植物印染工作坊!
Studio同地鐵站只有大約3分鐘步行距離,超級方便。工作室係7月既時候全新裝修,環境充滿藝術氣氛,令大家擁有一個遠離煩囂既創造空間!大家睇下下圖就感受工作室有幾細心,務求帶比大家最舒服既環境!係疫情期間相信大家都最擔心安全問題,係Twilight Art Studio上堂就冇有怕,Studio唔單止提供足夠既空間,仲有酒精搓手液、消毒地毯同鞋架,令學生玩得開心又放心!
藍靛染 · 傳統植物印染工作坊約2小時,每個學員都有一件 T-shirt同一個自選物品,可以自由選擇手提袋或者枕頭套,每人共兩件。學員玩完之後仲可以拎自己既製成品返屋企架!
![](/uploads/0000/1/2021/03/08/51.jpg)
工作室以藍靛染為主要色調,雖然學員無法選擇其他色系既染料,但係工作室選擇藍靛染大有原因!因為工作室唔係以一般染料進行紮染,而係使用植物染。植物染係一直古老既染色技法。藍染更係近乎純天然染色法,所用既色調都唔係添加大量人工成分。材料成分安全,所以連枕頭套都適用!
工作室利用天然既方式將平凡的布料,加上藍調,打造成專崇又獨一無二既作品。
邊個話小朋友唔玩得?Studio歡迎任何年紀、任何程度人士黎玩架!歡迎帶埋小朋友黎享受親子樂趣,一齊創造無限既可能性!
3. 澄明手作 Rapture Handmade
位於尖沙咀既澄明手作,係香港其中一間最受歡迎嘅紮染工作坊,經常被不同傳媒報章追訪,係Facebook亦有超過70個好評,仲要全部都係5分滿分嘅評價,可見參加完嘅學生都十分滿意佢地嘅藍染體驗!
係課程中你地可以親手體驗藍染嘅樂趣,仲可以手作出多款唔同嘅成品,好似係布袋/頸巾/細斜揹袋/筆袋/iPad袋/漁夫帽/t-shirt等!如果有自備嘅材料,都可以同導師相討。製作出黎嘅成品十分唯美,大家係下邊嘅圖片中可以欣賞下!
藍染課程性價比亦十分高,2小時亦費用$365位,同第一間既Amaze Art Studio一樣都係2人就可以成班。
你可能會有興趣...