市面上唔少水上活動中心都有舉辦滑浪風帆課程，除咗有專業教練慢慢教你滑浪風帆技巧，重點係大人細路都玩得，唔知揀邊間好？有興趣既朋友就繼續睇下文既滑浪風帆課程介紹啦！
滑浪風帆相比起其他熱門水上活動講求更多體力、技巧同埋經驗，難度較高，令好多人都唔敢踏出第一步去嘗試，加上市面上既滑浪風帆課程選擇較少，普羅大眾想參加一日體驗變相難上加難，所以今日小編就搜羅左三個比較有保證既滑浪風帆課程推介俾大家，分別由位於赤柱海灘既捕風一族水上活動中心、香港水上活動拓展中心，同埋位於長洲既長洲滑浪風帆中心舉辦。
1. 長洲滑浪風帆中心 - 滑浪風帆初級課程
長洲滑浪風帆中心已建立超過40年，更培育過唔少人才參與各種滑浪風帆比賽，而奧運金牌得主李麗珊就係其中一位係哩到訓練既學員。
中心既導師經驗豐富，設備亦相當齊全，除左提供滑浪風帆租借服務外，仲可以租借SUP直立板同Kayak獨木舟，不過中心就淨係提供初級同高級滑浪風帆課程。
滑浪風帆初級課程為從來冇接觸過或只係玩過數次滑浪風帆既初學者而設，導師會先教授滑浪風帆既基本認知，再俾參加者係沙灘上模擬練習，指正學員姿勢同動作，最後先落海進行實際練習。過程歷時一日，由朝早到晏就，包午餐，除左需要識游水外就冇其他特別要求，包保各位係滑浪風帆課程玩到樂而忘返！
2. 香港水上活動拓展中心 - 滑浪風帆課程
香港水上活動拓展中心希望係一個輕鬆有趣既戶外環境中為所有人提供指導，以發展佢地的社交、領導能力、獨立性同敏捷性等。
佢地既導師經過專業培訓，而且經驗豐富，為學生提供最高水平的指導和安全，前香港奧運滑浪風帆代表王合喜亦係導師之一。中心除左提供滑浪風帆課程，亦有提供SUP直立板、Kayak獨木舟、Wakeboard滑水等課程，選擇眾多。
香港水上活動拓展中心同樣提供初級同高級滑浪風帆課程，亦有裝備租借服務，佢地既滑浪風帆課程大人細路都適合。由於中心要求13歲以下既小朋友需要有大人陪同，各位家長仲可以藉機嚟個親子moment添！係上堂既過程裏面，導師會由基本認知開始講解，安裝風帆、動作教學等，學員都會一一學到，就算係0經驗既初學者經過導師既悉心講解都可以輕鬆上手！
3. 捕風一族水上活動中心 - 滑浪風帆初階課程
捕風一族水上活動中心創辦超過40年，旨望每位參加者可以享受愉快既體驗，以及提升對水上活動既信心同熱情。中心既教練團隊專業，除左參加過多個大型國際滑浪風帆比賽外，亦曾獲多個榮譽獎項，前香港滑浪風帆代表隊何智豪亦係其中之一。中心除左提供滑浪風帆、Kayak獨木舟、SUP直立板等課程，仲有新興既滑浪風翼課程，同時亦有水上活動器材租用服務。
捕風一族既滑浪風帆初階課程同樣係專為初學者而設，佢地設有陸上模擬器俾初學者學習基本技巧同模擬係海上航行既感覺，滑浪風帆課程亦會因應學生體型調整滑浪風帆裝備，例如改用重量輕又容易操控既吹氣帆，務求令學習進程更快、更容易、更安全。當學員掌握左基本技巧，就可以落水體驗乘風破浪既感覺同欣賞赤柱沿岸既美麗景色。
