手語係一項國際通用嘅語言，除咗可以透過手語同唔同嘅人溝通，無論係有身體障礙定係其他原因。而且手語係一項十分有用嘅技能，其實係香港都一樣有得學手語㗎！今次就為係你介紹幾間係香港嘅手語教室。
1. 香港聾人福利促進會
首先介紹嘅就係有香港聾人福利促進會舉辦嘅手語培訓課程，佢哋嘅課程有分為手語初級課程、手語中級課程、手語高級課程以及手語翻譯培訓課程，舉辦目的係希望提供專業嘅手語課程比有興趣學習手語的市民，可以全面地掌握手與技巧以及學到唔同嘅手語知識。
每一款課程嘅堂數都係10堂，每堂由一個半小時到二個半小時不等。以初班為例，課程一共17小時，可以喺課程中學到最常用的詞匯，以及日常有機會使用的短句等等。完成之後就可以對手語有基本嘅認識。有興趣報名嘅朋友可以郵寄支票方式向協會報名，如果人數超過每班人數上限，協會將會以抽籤方式處理。
2. 香港手語專業培訓中心
第二間為大家介紹嘅就係香港手語專業培訓中心推出嘅手語課程，佢哋有提供常規課程，一共6堂共12小時，學費只需要五百五十元。呢個課程係專門設計比對手語沒有任何認識的一般大眾，課程中你會學識各種手語嘅基礎，例如手語結構以及常用詞語等等。
上課地點為葵芳嘅金龍工業中心，有興趣嘅朋友都可以於佢哋嘅網站報名。除咗一般常規課程外，中心更有推出一對一個別教授、以及企業培訓等等。有需要嘅朋友或者機構可以同佢哋聯絡查詢更多。不過要留意返報名人數非常多所以有興趣嘅朋友要提早預約。
3.腦舍
最後介紹嘅就係腦舍的手語教室，佢哋位於荃灣灰窰角街2-6號，有推出多個有關手語的課程，包括手語初班、手語中班、以及手語高班，初班係專門設計比初學者，無須任何入學門檻，課程除咗可以學到手語之外，更可以有機會體驗聾人文化以及教你使用手語及聾人朋友打招呼，互動性十分高，佢哋嘅網站更有推出多款線上短片教學，畀有興趣嘅朋友都可以學到更多有關手語嘅知識。
