手工藝課程 | 手工藝疫情期間成日留係屋企好無聊？想搵個地方放鬆心情？不如試下參加唔同嘅手工藝班！手工藝好處多多，除左學多門技能之外亦十分好玩！香港其實都有好多高質素嘅手工藝班，今次就為大家介紹三款近年熱門嘅手工藝課程
1. 玻璃班
首先為大家介紹既係玻璃班，可能係電視都見過燒玻璃嘅工場，可以燒出好多好靚嘅作品，但唔好以為得外國先有，原來香港都一樣有得玩！
好似【燒玻璃・彩色玻璃珠燒製】呢個手工藝班，參加者可以從加熱到塑形自己親手製作獨一無二嘅玻璃珠，成品仲可以製成頸鏈、手繩、耳環、髮箍、匙扣等實用小物！
【時間】約3小時
【地點】大角咀
【費用】$600
2. 藍染體驗班
藍染其實係一種利用傳統天然染料靛藍色染料嘅製作方法，可以透過染色為不同衣服帶來唔同變化。係今次嘅藍染課程你除左可以學到唔同嘅藍染技巧，仲可以親手製作同有走你親手製作嘅藍染作品 - 一件 T-shirt + 可選一個項目（手提袋/枕套）！
【時間】約2小時
【地點】荔枝角
【費用】$320／位
3. 車縫課程
近年，大家來來去去都係係H&M 或者 Uniqlo 等大公司買衫，少不免出現撞衫嘅尷尬情況。所以都唔少人都鐘意為自己嘅衣物加少少個性化元素，令佢地更能突顯自己嘅Style！
今次嘅車縫課程就好啱你！因為學識左基本車縫技巧，你就可以親手設計出具有個人風格及特色既衣物！親手製作自己既作品，無論係帽、bb米袋、簡單totebag、零錢包或連身裙都可以整得到！十分實嘅手工藝班！
【時間】約1.5-2小時
【地點】葵興
【費用】$320／位
你可能會有興趣...
