肥皂一般給人沉悶的感覺，不過原來近年興起咗一種叫做寶石皂的肥皂，擁有光彩奪目宛如水晶柱的色彩。打破一般肥皂給人刻板的印象！除左外型唯美外，寶石皂亦細膩溫和不傷肌膚。疫情期間大家都多咗洗手，咁就更加要整番件呵護肌膚嘅手工皂啦！

今次就為大家介紹3間香港熱門嘅寶石皂工作坊，快啲約埋朋友一齊參加啦！

 

1.皂約

導師畢業於香港藝術學院，亦已取得韓國協會ICDA證書同埋香港天然設計協會師資證書。佢哋嘅寶石皂工作坊時間約2小時，費用為$350，課程係專為手工梘新手而設，無需任何經驗亦可以放心參加。佢地嘅寶石皂都係用左植物油、蒸餾水、氫氧化鈉及雲母粉等成份，並使用冷製法(CP)製成，課程完成後你仲可以帶走約5-6件寶石皂成品。

 

2. 香柏樹工作室

位於深水埗嘅香柏樹工作室離地鐵站約10分鍾路程，係佢地嘅寶石皂課程「Bijou Aroma MP Soap手工香薰寶石皂工作坊」課程中導師會由零開始，教你不同顏色嘅配搭，親手打造出晶瑩剔透嘅寶石皂。

寶石皂課程中你可以自由挑選鍾意嘅顏色，並加入不同香味的香薰精油，令手工梘使用嘅時候散發出淡淡的香氣！

 

 

3. Saramade

Saramade創辦人兼導師Sara曾與不同機構如Hallmark等合作，有豐富教學經驗。Saramade嘅水晶寶石皂工作坊價錢為$480，課程時間約2小時。係寶石皂課程中，你會由寶石皂配方、製作、調色、切割及包裝嘅過程都親自參與，體驗製作寶石皂嘅樂趣！每位學生完成後都可以拎走約4-5件紫水晶寶石皂。

Saramade嘅寶石皂課程夠三人便可組成小班，自選時間上堂。快啲約埋朋友一齊參加啦！