近年疫情大家都多咗時間喺屋企，唔少人都愛上咗自己整一啲小手作消磨時間，刺繡亦係其中一款大熱嘅選擇。不過如果覺得係屋企自學好難，亦不妨考慮參加坊間的一些刺繡工作坊，學好咗基本技巧後係屋企自己做就容易得多啦！今次就為大家介紹三間香港熱門嘅刺繡班。
1. Zonemo_made
首先為大家介紹嘅就係Zonemo_made，佢哋有提供多種唔同嘅刺繡班，除咗一般嘅情侶人像花圈等等嘅刺繡仲有十分特別嘅文字刺繡班、花束Totebag刺繡班、漫畫刺繡等，可以刺出唔同嘅卡通人物，佢哋嘅教室位於屯門近西鐵站，所有課程已經包括所有刺繡所需費用，例如材料以及導師費等等。每次課程亦名額有限亦好快爆滿，有興趣嘅朋友記得早啲預約啦！
2. Dream a little dream刺繡小時光
刺繡小時光係香港其中一間最受歡迎嘅刺繡教室，喺Instagram嘅Follower已經累積超過3000個，佢哋嘅創辦人兼導師曾經遠赴倫敦英國皇家刺繡學院及巴黎Ecole Lesage 刺繡工坊取經，刺繡經驗十分豐富。
刺繡小時光亦有不定期舉辦各種刺繡教學，由零開始教授刺繡技巧，十分適合初次接觸刺繡嘅新手參加，課程多元化，包括卡通動漫花環、法式刺繡體驗等等，對刺繡有興趣嘅朋友千祈唔可以錯過啦。佢哋嘅IG page亦有不定時分享各種刺繡作品，鍾意刺繡嘅你都可以follow佢哋
3. Iluvartsss
佢哋亦有提供多款唔同嘅刺繡工作坊例如係人像刺繡、寵物刺繡扣針等，課程過程需時大約三至四小時，佢哋嘅facebook專頁有定期上載課程時間表，三個人以上仲可以自組私人班添！自己選擇適合嘅時間嚟上堂，十分彈性。課程費用亦已包括所有材料費及導師費，除咗課程外，佢哋仲可以提供各款客製訂購刺繡作品，作為心意或者禮物送畀朋友都一樣得！
