成日同朋友或者另一半有時出街都可能諗唔到下晝去邊度玩？冇理由次次都係唱k同埋睇戲都會去到厭。其實花一個下午嘅時間參加一啲香港熱門本地工作坊都係一個唔錯嘅選擇！今次就為大家介紹三款熱門嘅工作坊，作為你嘅下午好去處
相信大家去一啲咖啡店嘅時候都一定有見過唔同嘅拉花圖案，有冇諗過原來自己都可以拉得出咁靚嘅拉花！喺今次嘅拉花課程，你可以輕鬆咁喺兩個鐘嘅課程中同朋友或者另一半一齊試下體驗拉花嘅樂趣，一嚐當咖啡師嘅滋味，啱曬鍾意飲咖啡嘅你哋！
雖然拉花睇落好似好難，但係喺專業嘅咖啡導師指導之下，你都可以親手拉出唔同嘅圖案！
鍾意香水嘅朋友就一定唔可以錯過呢個香水調配體驗課程呀！因為係呢個課程你可以親手調配出一支專屬於你嘅香水，散發出更具個人特色嘅香味！仲有超過15款香味任你挑選，而且店內使用嘅香水都係來自英國、德國、法國等地，十分高質！工作坊價錢亦唔貴，$320 就可玩足兩個鐘！
你係唔係喺中學美術堂之後就冇再接觸過畫畫？其實畫畫係一件十分治癒嘅活動，除咗可以抒發壓力之外，仲可以發揮創意畫出唔同嘅成品，十分有成功感！
最後為大家介紹嘅下午好去處就係香水Art Jamming 體驗。Art Jam嘅中文可以理解為即興藝術，畫畫所需嘅道具都由有畫室提供, 只需帶個人參加就可以。作品絕對無對與錯之分，每個人嘅畫作都係獨一無二嘅作品。課程輕鬆好玩，就算係從來未接觸過畫畫或者好耐冇畫過畫嘅朋友都可以放心參加！
如果諗到有想畫嘅物件或者風景，可以自己帶備相片前往工作坊，如果諗唔到畫咩嘅一樣唔緊要，因為教室都有其他畫作可以畀你參考跟住畫。
